1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaArewacin Amurka

Amurka ta bukaci Rasha da Ukraine zama a teburin sulhu

Musa Tijjani Ahmad
November 24, 2024

Babban mashawarcin shugaban Amurka mai jiran gado Donald Trump kan tsaro ya bukaci gaggauta kawo karshen yakin Rasha da Ukraine tare kuma da kira ga dukkan bangarorin biyu da su zauna a teburin sulhu.

https://p.dw.com/p/4nNZj
Babban mashawarcin Trump kan tsaro Mike Waltz
Babban mashawarcin Trump kan tsaro Mike Waltz Hoto: Mandel Nghan/AFP/Getty Images

Mike Waltz ya ce lokaci yayi da ya kamata a tabbatar da wanzar da zaman lafiya na dindindin domin dakile asarar rayuka da dukiyoyin al'umma har ma da barazana kan zaman lafiyar nahiyar Turai.

Karin bayani:Amurka za ta ba wa Ukraine tallafin makamai 

A baya bayan nan fadar White House karkashin jagorancin shugaban Amurka mai barin gado Joe Biden ta bai wa Ukraine umarnin amfani da sabbin makamai masu linzami kirar Amurka domin kai hare-hare kan Rasha, yayin da Moscow ta maida martani ta hanyar amfani da matsakaitan makamai masu linzami masu cin gajeren zango kan Kiev.

Karin bayani:Tsohon shugaban Amurka Trump zai sulhunta Ukraine da Rasha 

Gwamnatin Biden ta jaddada bukatar mika mulki ga sabuwar gwamnatin Trump cikin tsanaki, matakin da shi Trump din ke cewa zai tabbatar da sauye-sauye kan tsaro da diflomasiyyar Amurka da zarar ya hau kan karagar mulkin kasar.