1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye

Shugaban kasar Sudan na kan hanyar komawa gida

Lateefa Mustapha Ja'afarJune 15, 2015

Jirgin Shugaba Omar al-Bashir na Sudan ya tashi daga Afirka ta Kudu a kan hanyarsa ta komawa gida duk kuwa da umurnin dakatar da shi da wata kotu a kasar ta bayar.

https://p.dw.com/p/1FhUd
Jirgin Al-Bashir ya bar Afirka ta Kudu zuwa Sudan
Jirgin Al-Bashir ya bar Afirka ta Kudu zuwa SudanHoto: picture-alliance/AP/A. Pretorius/Beeld/Netwerk24

Babbar kotun Afirka ta Kudu ce dai ta bayar da umurnin dakatar da al-Bashir bayan da ta ce ta samu takardar sammacinsa daga kotun kasa da kasa da ke hukunta masu aikata laifukan yaki, a yayin da yake halartar taron koli na kungiyar Tarayyar Afirka AU a birnin Johannesburg na Afirka ta Kudun. Ita dai kotun ta ICC na tuhumar Shugaba Bashir na Sudan da laifin kisan kiyashi da kuma aikata laifukan yaki a yayin rikicin yankin Darfur na Sudan din. Ana sa ran da zarar Bashir ya isa gida Sudan zai gudanar da taron manema labarai.