تاجیکستان: محکومیت یک قاچاقبر مواد مخدر به ۳۰ سال حبس

رسانه های تاجیکستان روز دوشنبه با رجوع به معلومات محکمه و یک وکیل گفتند، پنج عضو دیگر این باند به ۱۹، ۲۵ و ۲۸ سال حبس محکوم شدند. بر بنیاد گزارش ها این گروه متهم است که نیم تُن مواد مخدر را  از افغانستان به تاجیکستان قاچاق کرده است.  براین اساس هدف نهایی آن ها اروپا بوده است.

این قاچاقبران مواد مخدر در دوشنبه، پایتخت تاجیکستان بازداشت شدند. براساس گزارش ها، موترها، خانه و آپارتمان های گرانقیمت آن ها توسط پولیس ضبط شده است.

کشورهای تاجیکستان، ترکمنستان و ازبیکستان که با افغانستان مرز مشترک دارند، از زمان تصرف قدرت توسط طالبان، از افزایش قاچاق مواد مخدر نگران هستند.