የአሜሪካን ማሳሰቢያ እና ተቃውሞው

የዩናይትድ ስቴትስ ግምጃ ቤት ባለፈው ቅዳሜ ስለ ታላቁ ህዳሴ ግድብ ያወጣው መግለጫ በርካታ ኢትዮጵያውያንን አስቆጥቷል። ኢትዮጵያ ስለ ህዳሴው ግድብ ስምምነት ላይ ሳይደረስ የመጨረሻ ሙከራ እንዳታደርግ እና የውኃ ሙሌትም እንዳትጀምር ከአሜሪካ መንግሥት የተሰጠው ማሳሰቢያ የሀገሪቱን ሉዓላዊነት የሚጎዳ ነው ሲሉ የፖለቲካ ሳይንስ ምሁራን እና ፖለቲከኞችም ተቃውመውታል።ምሁራኑ ኢትዮጵያ የአባይ ተፋሰስ የታችኛዎቹ ሃገራት ላይ የከፋ ጉዳት ሳታደርስ በተፈጥሮ ሀብቷ የመጠቀም መብቷን ማንም ሊከለለላት አይገባምም ብለዋል። የአሜሪካን ግምጃ ቤት ኢትዮጵያ ካልተካፈለችበት ስብሰባ በኋላ «የህዳሴ ግድብን የመጀመሪያ የውኃ ሙሌት እና የውኃ አለቃቀቅ እና ደንብ ለማዘጋጀት የሚደረገው ድርድር ተጠናቋል» ሲል ያወጣውን መግለጫ ኢትዮጵያ ውድቅ አድርጋለች።

ዮሐንስ ገብረ እግዚአብሔር

ኂሩት መለሰ

ሸዋዬ ለገሠ